ABUTALIBOVUN "SAĞ ƏLİ" SAXLANILDI - BŞİH-in keçmiş Aparat rəhbəri korrupsiyada ittiham olunur
Bakı Şəhər İcra Hakimiyyətinin keçmiş Aparat rəhbəri Rasim Quliyev Baş prokuror yanında Korrupsiyaya qarşı Mübarizə Baş İdarəsi əməkdaşları tərəfindən saxlanılıb.
Yol verdiyi korrupsiya əməllərinə görə saxlanılan R.Quliyev barəsində məhkəmənin qərarı ilə həbs qətimkan tədbiri seçilib. Xəbəri unikal.org saytı yayıb.
Baş Prokurorluğun Mətbuat xidməti “Report”a faktı təsdiqləyib. Bildirilib ki, R.Qulieyvin həbs ilə bağlı yaxın vaxtlarda ictimaiyyətə ətraflı məlumat veriləcək.
Xatırladaq ki, R.Quliyev 1970-ci ildə Naxçıvan MR-in Şahbuz rayonunda doğulub. Azərbaycan Neft Akademiyasını bitirib. Xalq hərəkatının fəal iştirakçısı, mərhum prezident Heydər Əliyevin qatı tərəfdarlarından olub.
O, BŞİH-nin keçmiş başçısı Hacıbala Abutalıbovun əmri ilə öncə meriyanın ərazi idarəetmə şöbəsinin müdiri, daha sonra Aparat rəhbəri təyin edilib.
![](https://www.pinterest.com/pin/create/bookmarklet/?pinFave=1&url=https://bia.az/siyaset/4771-abutalbovun-sag-el-saxlanld-bshh-in-kechmish-aparat-rehberi-korrupsiyada-ittiham-olunur.html&media=https://static.azpolitika.info/storage/news/94aa1bfdfbc8c90942ac68549f4b91fe/4ced2ea0-880e-42d6-b7b4-17066fd82de4.jpg&description=ABUTALIBOVUN "SAĞ ƏLİ" SAXLANILDI - BŞİH-in keçmiş Aparat rəhbəri korrupsiyada ittiham olunur){kind=link}