Ermənistanda dövlət çevrilişinə cəhd: Paşinyan açıqlama verdi - - YENİLƏNDİ
Ermənistan Baş naziri Nikol Paşinyan hüquq-mühafizə orqanlarının ölkədə hakimiyyətin ələ keçirilməsinin qarşısını aldığını bildirib.
***
10:23
Səhər tezdən Ermənistan hüquq-mühafizə orqanlarının əməkdaşları arxiyepiskop Baqrat Qalstanyanın rəhbərlik etdiyi “Müqəddəs Mübarizə” hərəkatının üzvləri və tərəfdarlarının evlərində axtarışlar aparır.
Teleqraf xəbər verir ki, bu barədə Ermənistan KİV məlumat yayıb.
“Hüquq-mühafizə orqanlarının əməkdaşları “Müqəddəs Mübarizə” tərəfdarlarını təqib etməkdə davam edir. Bu gün səhər tezdən onlar “Müqəddəs Mübarizə” tərəfdarlarının evlərində axtarış aparmağa başlayıblar. Hüquq-mühafizə orqanlarının əməkdaşları arxiyepiskopun iqamətgahında da əməliyyat keçirirlər”, - məlumatda deyilir.
Məlumata görə, hərəkatın mətbuat katibi Lidiya Mantaşyanın və eyni vaxtda təxminən 30 hərəkat üzvünün evlərində axtarışlar başlayıb.
Ermənistan İstintaq Komitəsi Ermənistan Baş naziri Nikol Paşinyanın ölkədə dövlət çevrilişi hazırlamaqla bağlı dərc etdiyi məlumat əsasında cinayət işinin başlanması imkanını nəzərdən keçirir.
