İstefa vermiş İlqar Məmmədova yeni vəzifə verildi
Bir müddət öncə Real Partiyasının sədrliyindən istefa verən İlqar Məmmədovun nə işlə məşğul olduğu məlum olub.
Teleqaf.com-a bununla bağlı Real Partiyasnın sədri Natiq Cəfərli məlumat verib.
“İlqar Məmmədov hazırda partiyada çalışır. O, hər gün partiyadadır, hər gün bizimlə birlikdədir. Siyasi komitənin üzvü kimi fəaliyyətini davam etdirir”, - deyə o əlavə edib.
Partiya sədri bildirib ki, İlqar bəy qarşıdan gələn bələdiyyə seçkilərində Real-ın hazırlıq işlərində birbaşa iştirakçı və bəzi məsələlərin həllində əsas fiqurdur.
Qeyd edək ki, İlqar Məmmədov bu ilin sentyabrın 1-dən keçirilmiş növbədənkənar parlament seçkilərindəki uğursuzluqdan sonra Real sədrliyindən istefa verdiyini açıqlamışdı.
