Bia.Az

Daha bir dövlət Kosovanın müstəqilliyini tanımaq haqda qərarını geri çəkib

Siyasət
 3-03-2020, 14:14     322

Daha bir dövlət Kosovanın müstəqilliyini tanımaq haqda qərarını geri çəkibSyerra-Leone Kosovanın müstəqilliyini tanımaq haqda qərarını geri çəkib.

APA-nın TASS-a istinadən verdiyi xəbərə görə, bu barədə bu gün Syerra-Leonedə səfərdə olan Serbiyanın Xarici İşlər naziri İvitsa Daçiç bildirib.

O, Syerra-Leone Xarici İşlər Nazirliyinin bu barədə notasını təqdim edib.

İ. Daçiçin sözlərinə görə, hazırda Birləşmiş Millətlər Təşkilatının (BMT) 193 üzvündən 92-i Kosovanın müstəqilliyini tanıyıb, 96 dövlət üzv tanımayıb, 5 dövlətin mövqeyi isə qeyri-müəyyəndir.

“Bu isə o deməkdir ki, BMT-də Kosovanın müstəqilliyini tanıyan dövlətlər çoxluq təşkil etmir”, - deyə Serbiya XİN başçısı vurğulayıb.

Qeyd edək ki, Syerra-Leone Kosovanın müstəqilliyini tanımaq haqda qərarını geri çəkən 18-ci ölkə olub.

Xatırladaq ki, Kosova 2008-ci ilin fevral ayında müstəqilliyini elan edib.скачать dle 12.1