“Azərbaycanın mövqeyi haqlı və ağıllıdır” – Xədicə İsmayıl
“Bizim ölkənin haqlı durumu var deyə, hətta Ermənistanla dost olanlar da ona dəstək verə bilmir”.
Yenisabah.az xəbər verir ki, bu sözləri araşdırmaçı jurnalist Xədicə İsmayıl bildirib. O daha sonra qeyd edib:
“Haqlı durum nədir?
1.Mənim olanı, BMT-nin tanıdığı sərhədlər çərçivəsində ərazi bütövlüyümü bərpa etmək istəyirəm, həmin sərhədləri aşan iddiam yoxdur.
2. Ölkə rəhbəri daxil hökumət bəyan edir ki, Azərbaycan bütün vətəndaşlarına, o cümlədən Qarabağ ermənilərinə vətəndaş hüquqlarını təmin etmək əzmindədir və əvvəldən orada yaşamış, vətəndaşlığı qəbul edən, qanunlara tabe olacaq vətəndaşlara milli ayrı-seçkilik qoymayacaq. Qovmayacaq, incitməyəcək və sair.
3. Azərbaycan bəyan edir ki, müharibəni ləyaqətlə aparır və əsirlərə də Cenevrə konvensiyası çərçivəsində davranmaq niyyətindədir.
Mövqe haqlı və ağıllıdır”.