Qanunları pozan deputatlığa namizədin köməkçisi DSK-nı NİŞAN VERDİ - "Dairədən soruşun..."
Yeni Azərbaycan Partiyasının namizədlərindən olan VI çağırış Milli Məclisin deputatı Anar Məmmədovun köməkçisi Elçin Cahangirov 97 saylı Tərtər-Ağdərə-Goranboy seçki dairəsindəki digər namizədlərin A.Məmmədova qarşı etirazlarına, Mərkəzi Seçki Komissiyasına şikayət ünvanlamalarına münasibət bildirib.
E.Cahangirov Pravda.az-a açıqlamasında bunları deyib: “Bu məsələ barədə mövqeyimiz bizim fəaliyyətimizdir. İşimizin üstündəyik. Dövlətimizə, dövlətçiliyimizə xidmət edirik. Mövqeyimiz gördüyümüz işlərdir”.
E.Cahangirov əməkdaşımızın Anar Məmmədovun təşviqata vaxtından əvvəl başlaması barədə sualına isə belə cavab verib: “Dairədən soruşun. Biz o işlərə qarışmırıq. Sosial şəbəkələrdə fəəliyyətimizi izləyin, mövqeyimiz oradadır. Orada hər şey dürüstdür, şəffafdır”.
