Milli Məclisin deputatı beynəlxalq tədbirdə iştirak edəcək
Milli Məclisin deputatı Musa Quliyev Qara Dəniz İqtisadi Əməkdaşlıq Təşkilatı Parlament Məclisinin (QDİƏT PM) tədbirlərində iştirak etmək üçün martın 3-dən 4-dək Türkiyənin İstanbul şəhərində səfərdə olacaq.
Bu barədə “bia.az”a Milli Məclisin Mətbuat Xidmətindən məlumat verilib.
Bildirilib ki, qurumun Reqlament üzrə işçi qrupunun toplantısında QDİƏT PM-nin Nizamnaməsinə təklif olunan dəyişikliklər barədə məsələyə baxılacaq. Təşkilatın Parlament Məclisinin Daimi Komitəsinin xüsusi iclasında bununla bağlı müzakirələr aparılacaq.
Deputat yığıncaqlarda çıxış edəcək, məsələyə dair öz fikirlərini açıqlayacaq.
