AXCP sədri Əli Kərimli Peter Mixalko ilə görüşüb
Mayın 7-də Azərbaycan Xalq Cəbhəsi Partiyasının (AXCP) sədri Əli Kərimli və Avropa İttifaqının Azərbaycandakı Nümayəndəliyinin rəhbəri Peter Mixalko arasında görüş olub.
“Səfir Peter Mixalko ilə görüşdə Azərbaycan-Avropa əlaqələrini, Azərbaycanın Avropa İttifaqına inteqrasiyası perspektivlərini müzakirə etdim.
Cənab Mixalko ilə bugünki görüşdə həmçinin ölkəmizdəki siyasi məhbus, sərbəst toplaşmaq azadlığının təmin edilməsi, seçki islahatı problemlərini də müzakirə etdik”, deyə AXCP sədri Əli Kərimli X Platformasında yazıb. /Turan/
