Ermənistanın son TƏXRİBATI: - "İrəvanın danışıqlarda heç də səmimi olmadığı..."
“Azərbaycan “Qisas” əməliyyatını həyata keçirərək ən sərt formada Ermənistanın cavabını verdi”.
Bunu Ermənistanın sərhəddə Azərbaycana qarşı törətdiyi təxribatların sülh prosesinə təsirindən danışan poiltoloq Turan Rzayev Yenicag.az-a açıqlamasında deyib.
O bildirib ki, Ermənistanla sülhlə bağlı görülən işlər gözlənildiyi səviyyədə olmasa da, müəyyən irəliləmər vardı:
“Lakin son təxribatlar bu prosesləri bir az daha ləngidə bilər. Bu isə Ermənistan üçün mənfi tendensiyanın başlanğıcı deməkdir. Görüntülərdə atəşkəsi Ermənistanın pozaraq təxribata cəhd etdiyi açıq-aydın görünür. Belə olan halda, İrəvanın danışıqlarda heç də səmimi olmadığı üzə çıxır. Düzdür, Azərbaycan sülhün əldə olunmasında israrlıdır, ancaq bu nə olur-olsun, Ermənistanın şıltaqlıqlarına dözəcəyi mənasına gəlmir. Azərbaycan “Qisas” əməliyyatını həyata keçirərək ən sərt formada Ermənistanın cavabını verdi. Əgər İrəvan hakimiyyəti bu kimi təxribatçı addımları sonlandırıb danışıqlar masasına oturarsa, sülhün əldə olunması mümkündür”.
