Bia.Az

Növbədənkənar parlament seçkiləri bu tarixdə keçirilə bilər – İlkin vaxt

Siyasət
 9-02-2024, 15:23     156

Fevralın 7-də keçirilən növbədənkənar prezident seçkilərindən sonra gündəmə gələn digər məsələ parlament seçkilərinin də bu il keçirilməsi ehtimalıdır.

Mövzu ilə bağlı Globalinfo.az-a danışan Demokratiya və İnsan Hüquqları Komitəsinin sədri, hüquq üzrə fəlsəfə doktoru Çingiz Qənizadə deyib ki, Konstitusiyanın 98-ci maddəsinə əsasən ikinci növbədənkənar seçkilərdə seçilən Azərbaycan Respublikası Milli Məclisinin çağırışının səlahiyyət müddəti beş ildən az ola bilər:

“Bu halda Azərbaycan Respublikasının Milli Məclisinə növbəti seçkilər növbədənkənar seçkilərdə seçilən Azərbaycan Respublikası Milli Məclisinin çağırışının səlahiyyət müddətinin beşinci ilinin noyabr ayının birinci bazar günü keçirilir.

Çingiz Qənizadə
Buna görə də 2024-cü il noyabrın 3-ü parlament seçkiləri keçiriləcək. BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) noyabr ayında Azərbaycanda keçiriləcəyi üçün parlament seçkilərinin tarixinin dəyişdirilməsi gözləniləndir. Növbədənkənar şəkildə 5-6 ay qabağa çəkilə bilər (may-iyun aylarına – red.). Vaxtın uzadılması isə konstitusiya pozuntusudur. Dekabr ayında bələdiyyə seçkilərinin müddəti başa çatdığından bu il bələdiyyə seçkilərinin keçirilməsi də mümkündür. Ümumilikdə 2024-cü il ölkəmizdə seçki ili kimi də dəyərləndirilə bilər”.

Ramiz Alıyev
Politoloq Ramiz Alıyev də deyib ki, Azərbaycanda bu il həm də bələdiyyə seçkiləri keçirilməlidir:
“Yeni şərtlər var və bu da yeni tələblər irəli sürür. Azərbaycan artıq böyük qüdrətə, gücə malik dövlətdir. Əhalimizin sayı da kifayət qədər artıb. Buna görə də parlament seçkilərindən daha vacib məsələlər var ki, onlar həllini tapmalıdır.
Prezident seçkilərinin nəticələrini Konstitusiya Məhkəməsi təsdiq etdikdən və İlham Əliyev prezident kimi and içdikdən sonra yeni islahatlar həyata keçiriləcək. Bunun ardınca hansı qərarların veriləcəyi aydınlaşacaq”.скачать dle 12.1