Bia.Az

Sirlər açılır! İrandan casuslarına yeni təlimat: Hacı Şahin və şəhid ailələri haqda ŞOK PLAN

Siyasət
 18-04-2023, 16:27     291

İranın Azərbaycanda daha bir məkrli planı işə düşüb. Tehrana bağlı qüvvələr  xeyriyyəçilik adı ilə şəhid ailələri və qaziləri öz təsirləri altına salmağa çalışırlar. Həmin qruplar müxtəlif yollarla bu işlərlə məşğuldurlar. Şəhidlərin dəfnində onların bir qrupu ifşa edildi, prosesdən uzaqlaşdırıldı. Dəyərli din xadimi Hacı Şahin Həsənli dünyasını dəyişdikdən sonra bu tendensiya müşahidə edilməyə başladı. Hacı Şahinin ailəsi açıqlama yaydıqdan sonra həmin dəstə geri çəkilmək məcburiyyətinə qaldı. 

Əldə etdiyimiz məlumata görə, ifşadan, qovulmalardan sonra İranın “xüsusi təyinatlı” mərasim dəstələri taktikanı dəyişib. Onlar fərqli metodlardan yararlanaraq sistemli şəkildə qazilər, şəhid ailələri ilə kontakt saxlayırlar. Onları vaxtaşırı ziyarət edir, şəhidlərin valideynləri ilə maksimum yaxınlığa çalışırlar. Əsasən qadınlardan ibarət bu dəstələr şəhid anaları, xanımları ilə yaxınlaşır, onların bu halından sui-istifadə edib, çirkin niyyətlərini həyata keçirirlər. Ailələrin simpatiyasını qazanmağa nail olurlar. Bundan sonra “dini ayinlər” adı ilə şəhid ailələri ilə maksimum yaxınlaşma baş verir.

Globalinfo.az-a daxil olan məlumata görə, dövlət hər rayonda şəhidlər muzeyi tikib, hər şəhidə o muzeydə guşə yaratmaq istəsə də, İrana bağlı dəstə ailələrə təsir edərək bunu əngəlləməyə nail olub. Çünki belə olduqda ailələrlə təmas kəsiləcək. Hazırda bütün şəhid evlərində canını Vətən yolunda qurban vermiş qəhrəmanlarımıza aid guşələr, otaqlar var. İrana bağlı qruplar məhz bu amildən yararlanıb evlərə gedir, Quran oxumaq, dua mərasimləri keçirmək adı ilə şəhid ailələrini öz təsirləri altında saxlamağa çalışırlar.

Eyni taktika qazilərlə bağlı da baş verir. İrana bağlı həmin dəstə Vətən müharibəsi iştirakçılarının bəzilərini ələ alıb, onlardan özləri də bilmədən istifadə etmək üçün əllərində gələni edirlər. Dövlətlə qazilər arasında nifaq toxumu səpməyə cəhd göstərilir. İranın məqsədi bu həssas sosial təbəqəni təşkilatlandırmaq, onların özləri də bilmədən dövlətlə aralarını vurmaq, lazımi anda sabitliyi pozmaqdır.
Birinci Qarabağ müharibəsi dövründə – ölkədə işğalın, qaçqın köçünün, nəhəng iqtisadi-siyasi böhranın yaşandığı bir dövrdə İran bu durumdan maksimum yararlandı və xeyriyyəçilik adı altında yardımlar etməklə azərbaycanlıları öz tərəfinə çəkdi. Tehran həmin vaxt həyata keçirdiyi planı indi bir qədər fərqli formada icra etməyə başlayıb.

İranın Azərbaycandakı agentura şəbəkəsinə qarşı əməliyyatlar davam edir, xeyli dəstə üzvləri həbs edilir, ideoloji sistemləri dağıdılır. Kamuflyaj olan xüsusi dəstə var ki, hələ də meydandadır və biz həmin meydanı boş buraxsaq, döyüş onların qələbəsi ilə yekunlaşa bilərik.
Lakin dövlət bunun fərqindədir, sadəcə, həssas məsələ olduğu üçün çevik müdaxilə edilə bilmir. Bununla yanaşı, artıq xeyli şəhid ailəsi, qazilər İrana bağlı bu dəstənin məkrli planlarından duyuq düşüb, o dəstə ilə əlaqələri kəsiblər. Təəssüf ki, bu tam baş verməyib, təhlükə qalır.скачать dle 12.1