Qərbi Azərbaycandan Naxçıvana yol veririk – Paşinyan
“Azərbaycan bəyan edir ki, Ermənistan Naxçıvana yol verməsə, bunu İran ərazisi ilə təmin edəcək. Problem yoxdur, bunun əleyhinə deyilik. Bu, İranla Azərbaycanın qərarıdır ”.
Globalinfo.az xəbər verir ki, bunu Ermənistan Baş naziri Nikol Paşinyan “Armenpress”dəki məqaləsində yazıb.
Paşinyan növbəti dəfə Şərqi Zəngəzur inzibati rayonunu “Qərbi Azərbaycan” kimi təqdim edib:
“Amma qeyd edim ki, Ermənistan İranın təklif etdiyi hüquqi şərtlərlə Qərbi Azərbaycandan (Şərqi Zəngəzuru nəzərdə tutur – red.) Naxçıvan Muxtar Respublikasına keçidi təmin etməyə hazırdır. Cavabında Azərbaycan deyir ki, keçid maneəsiz olmalıdır.
Biz isə deyirik ki, Ermənistan ərazisindən keçməklə Naxçıvana və əksinə, eləcə də Meğridən Naxçıvan ərazisi ilə Yerasxa və əks istiqamətdə yolların açılması tam hazırıq. Bunun həyata keçirilməsi üçün yalnız Azərbaycanın razılığı lazımdır”.
Qeyd edək ki, Paşinyan növbəti dəfə tarixi həqiqətləri təhrif edir. Gerçək “Qərbi Azərbaycan” anlayışı hazırkı Ermənistanın şərq hissəsini əhatə edən tarixi Azərbaycan torpaqlarıdır.
Digər tərəfdən, 30 il Azərbaycan torpaqlarını işğalda saxlayan, terror aktları törədən Ermənistanın Zəngəzur dəhlizinə nəzarəti özündə saxlamaq istəməsi və maneəsiz hərəkətə razılıq verməməsi İrəvanın daha əvvəl üzərində götürdüyü öhdəliklərdən yayınması deməkdir.
