Bia.Az

İnternetin bağlanması: Azərbaycan 123 milyon dollar itirib

İqtisadiyyat
 23-02-2021, 11:00     19

BMT-nin Ticarət və İnkişaf Konfransının (UNCTAD) elektron ticarət üzrə yeni hesabatına görə, Azərbaycan 152 ölkə arasında 65-cı yerdədir.

 Novator.az bildirir ki, məlumatı yayan iqtisadçı Qubad İbadoğlu reytinqin internetdən istifadə vəziyyəti, bank xidmətlərinə əlçatanlıq, mobil ödəniş sistemləri, təhlükəsiz serverlər, internet-mağazaların sayı, poçtun, çatdırılma xidmətinin vəziyyəti, bağlamaların çatdırılma vaxtı kimi göstəricilərə əsaslandığını yazır: “Elektron ticarət sahəsində Müstəqil Dövlətlər Birliyi ölkələri arasında Belarus liderdir. Ümumi reytinq cədvəlində Belarus 35-ci, Rusiya 41-ci, Gürcüstan 47-ci, Ukrayna 51-ci, Moldova 53-cü, Qazaxıstan 60-cı, Ermənistan 84-cü pillədə göstərilir.
Digər beynəlxalq hesabata əsasən, Azərbaycan internetin bağlanmasından ən çox xərcə düşən ölkələr arasında 5-ci yerdə qərarlaşıb. 2020-ci ildə ölkə bu səbəbdən 123 milyon dollar itirib. Hindistanın analoji itkisi 2 milyard 779 milyon dollar, Belarusun itkisi 336 milyon dollar, Yəmənin itkisi 237 milyon dollar, Myanmanın itkisi 189 milyon dollar, Efiopiyanın itkisi 111 milyon dollar, Sudanın itkisi 69 milyon dollar, Türkiyənin itkisi 51 milyon dollar olub”.скачать dle 12.1