Türkiyə: inflyasiya hesabatı yayılıb

Türkiyənin Statistika Qurumu inflyasiya hesabatı yayıb. Açıqlamaya görə, mayda istehlak qiymətləri 2023-cü ilin eyni ayına nəzərən 75,45 faiz artıb, 143 əsas mal, məhsul və xidmətin 114-də bahalaşma, 23-də ucuzlaşma qeydə alınıb, 6-da qiymət dəyişməyib.

Azərbaycan Mərkəzi Bankı iyunun 4-də 100 Türkiyə lirəsini 5 manat 28 qəpiyə satır. Bu, ilin siftəsindən 43 qəpik aşağı göstəricidir.

2021-2023-cü illərdə 100 lirənin rəsmi kursu 22 manat 91 qəpikdən 5 manat 76 qəpiyə düşüb, 2024-cü il 5 manat 71 qəpiklə başlayıb.

Hazırda ABŞ dollarının rəsmi məzənnəsi 32,2 lirəni ötür. Türkiyənin Mərkəzi Bankı lirəni qorumaq üçün uçot dərəcəsini (banklara verilən borclar üzrə faiz dərəcəsi) 50 faiz müəyyən edib.