Goranboy rayonunda Tender maxinasiyası-Tender mənim, Tender sənin,Tender Dövlətin…

İqtisadiyyat

25-12-2023, 19:56 220

Goranboy Rayon İcra Hakimiyyəti adına iki il ərzində 3 tender müqaviləsi imzalayıb.

Böyük məbləğli İki tender müqaviləsi “GÖYGÖL TİKİNTİ” MMC ilə bağlayıb.

Sizin.Media xəbər verir ki, hər iki tenderin ümumi qiyməti 600 min manatdan çoxdur.

Belə ki, bu il noyabr ayında sözügedən icra orqanı Goranboy şəhəri, Cəfər Cabbarlı, Rövşən Mustafayev, Yahuzər Bayramov, Salahəddin Civəzadə, Rəsul Rza küçələrində, Heydər Əliyev prospektində, “Goranboy rayonu” lövhəsinin tikintisində, Şəhidlər xiyabanı və Heydər Əliyev mərkəzinin qarşısında abadlıq işləri ilə bağlı 364.774,29 AZN-lik müqavilə imzalayıb.

Bildirək ki, “Göygöl Tikinti” MMC-nin nizamnamə kapitalı 10 Azn, qanuni təmsilçisi Anar Tağıyev Əhməd Oğludur.

Ötən il isə Goranboy Rayon İcra Hakimiyyəti Goranboy şəhəri, Heydər Əliyev prospekti, Vuqar Bayramov, Nizami, Cəfər Cabbarlı küçələrində və Şəhidlər Xiyabanında aparılacaq abadlıq işləri ilə bağlı 281.059,02 AZN-lik tender müqaviləsi imzalayıb.

İcra hakimiyyətinin Goranboy şəhər icra Nümayəndəliyi bu il avqust-sentyabr aylarında müvafiq olaraq “Goranboy şəhəri 58-ci kvartal, Şamil Quliyev, Əli Mehdiyev və Elxan Süleymanov küçələrində asfalt-beton örtüyünün əsaslı təmiri” ilə “Ərdağı” MMC arasında 455.448,66 AZN-lik,

Goranboy şəhəri, Tacir Cəfərov, Şamil Quliyev, Əli Mehdiyev, Nəriman Nərimanov, küçə-1, küçə-2, küçə-3, küçə-4 və küçə-5 küçələrində abadlıq işləri ilə bağlı 205.991,75 AZN-lik müqavilə imzalayıb.

Bildirək ki, nizamnamə kapitalı 10 manat 60 qəpik olan “Ərdağı” MMC-nin qanuni təmsilçisi NAZİM MƏMMƏDOV FUAD OĞLUdur.
Goranboy şəhər İcra Nümayəndəliyi ötən il də “Ədağı” MMC ilə “dodaq uçuqladan” 2 müqaviləyə imza atıb:
Goranboy şəhərində Nizami,M.Məhərrəmov,A.Heydərov,B.Bağırov,Rəfət Aslanov,Eldəniz Bağırov,Etibar Namazoğlu,Ziyafəddin Əliyev, Pərviz Zeynalov, Vaqif Dədə Qorqud,M.Ə.Rəsulzadə, Hüseyn Cavid, Şəxəli Qurbanov, CəlilMəmmədquluzadə, Səməd Vurğun,Məscidə gedən yol, M.Nağıyev və Üzeyir Hacıbəyli küçələrində aparılacaq abadlıq (işıqlandırma sisteminin qurulması) işləri ilə bağlı 208.850,06 AZN dəyərində,
Goranboy şəhərində küçələrin asfalt-beton örtüyünün təmiri işlərinin satın alınmasına görə 451.411,12 AZN-lik müqavilə imzalanıb.
Beləliklə iki il ərzində icra hakimiyyəti 2 milyon 717 manatlıq müqavilə imzalanıb.

Sözü gedən rayonda görülən işlər öz əksini tapmır, belə ki, maliyyə ayrılan küçələrin təmir və abadlıq işləri yarımçıqdır, amma 2 milyondan söz gedir abadlıq və təmir işləri üçün.