Argentina-Misir oyununun hakimi haqda qərar verildi
Argentina – Misir qarşılaşmasını idarə edən fransalı referi Fransua Leteksye ilə bağlı qərar verilib.
Axar.az Offsideplus.az-a istinadən xəbər verir ki, baş hakimin dünya çempionatının qalan oyunlarında vəzifəsindən kənarlaşdırılması gözlənilmir.
Turnirin təşkilat komitəsi və hakimlik korpusu onun idarəçiliyindən razı qalıb və Leteksye DÇ-2026-nın növbəti mərhələlərində də oyunlara təyinat almağa davam edəcək.
Qeyd edək ki, Misir Futbol Federasiyası Argentinaya 3-2 hesabı ilə məğlub olduqdan sonra hakim Fransua Leteksyenin qərarlarına rəsmi etiraz bildirmək üçün FİFA-ya müraciət etmişdi.
