Mundiala aparılmayan olimpiya çempionundan ETİRAZ - "Federasiya bizə şərait yaratmır"
Azərbaycan taekvondoçusu Radik İsayev Meksikanın Qvadalaxara şəhərində keçiriləcək dünya çempionatı üçün milli komandanın heyətinə salınmamasına münasibət bildirib.
O, "Report"a açıqlamasında buna heç bir izah tapa bilmədiyini söyləyib. 80 kq-dan yuxarı çəki dərəcəsində Avropa, dünya və olimpiya çempionu olmuş idmançı mundialdan kənarda qalmasında federasiyanı günahlandırıb.
Titullu taekvondoçunun sözlərinə görə, onunla yanaşı, 87 kq-da mübarizə aparan Milad Beiqi Harçeqani də karyerasını davam etdirmək, nüfuzlu yarışlara qatılmaq istəyir: "Amma milli komandada bunun üçün bizə şərait yaratmırlar".
Qeyd edək ki, Radik İsayev və Milad Beiqi Harçeqanidən başqa, Fəridə Əzizova da Meksikaya aparılmayacaq. 67 kq-da yer alan qadın taekvondoçu zədəli olduğu üçün yığmadan kənarda qalıb.
Dünya çempionatı 14 - 20 noyabrda təşkil olunacaq.
