Bakıda “Prius”la vurulan “Oba” marketin müdiri imiş - FOTO
Sabunçu rayonu, Bakıxanov qəsəbəsində “Toyota Prius” markalı avtomobil piyadanı vuraraq öldürüb.
Musavat.com xəbər verir ki, hadisə Bakıxanov qəsəbəsindəki “Kaspi” liseyinin qarşısında baş verib.
Yolu keçən piyada, 1995-ci il təvəllüdlü Sadiq Rizvan oğlu Məmmədovu Polad Yusif oğlu Cahangirov idarə etdiyi “Toyota Prius” markalı avtomobillə vurub. Nəticədə piyada aldığı xəsarətlərdən hadisə yerində keçinib.
Qəzada dünyasını dəyişən Sadiq Məmmədovun Bakıxanov qəsəbəsində fəaliyyət göstərən “Oba” marketlərindən birinin müdiri olduğu bildirilir.
Faktla bağlı Sabunçu Rayon Polis İdarəsinin İstintaq Şöbəsində araşdırma aparılır.
