UKRAYNADA “XÜSUSİ ƏMƏLİYYATIN” MƏQSƏDİ... - Rusiya hökumətinin izahı necə dəyişib?
Bu gün Rusiyanın Ukrayna torpaqlarına hücumuyla başlayan müharibənin 55-ci günü tamam olur. Bu müddət ərzində Rusiya hökuməti müharibə məqsədini izah etmək üçün müxtəlif izahatlarla çıxış edib.
“AzPolitika.info” fevralın 24-dən indiyə qədər Rusiya dövlət rəsmilərinin müharibəylə bağlı verdikləri müxtəlif bəyanatları müvafiq ardıcıllıqla oxuculara təqdim edir:
- 24 fevral (müharibənin ilk günü) Rusiya prezidenti Vladimir Putin - “8 il ərzində Kiyev rejimi tərəfindən alçaldılmaya və soyqırıma məruz qalan insanların müdafiəsi”.
- 25 fevral Rusiya Xarici İşlər Naziri Sergey Lavrov - “Ukraynanın zülmdən xilas edilməsi və öz gələcəyini seçmək imkanının verilməsi”.
- 1 mart Rusiya Müdafiə naziri Sergey Şoyqu – “Moskva ilə mübarizədə Ukrayna xalqından istifadə etməyə çalışan Qərbin təhdidindən Rusiyanı qorumaq”.
- 5 mart Prezident sözçüsü Dmitri Peskov - “Rusiyanın təhlükəsizlik qarantiyasını təmin etmək”.
- 18 mart Vladimir Putin - “İnsanları soyqırımdan xilas etmək”.
- 20 mart Rusiya Dövlət Dumasının spikeri Vyaçeslav Volodin “İnsanların xilası və demilitirizasiyası”.
- 29 mart Sergey Şoyqu – “Donbasın azad edilməsi”.
- 7 aprel Dmitri Peskov – “Üçüncü dünya müharibəsinin qarşsını almaq”.
- 11 aprel Sergey Lavrov- “ABŞ-ın dünyada dayanmadan böyüməsinə və mütləq dominatlığına son qoymaq”.
- 12 aprel Vladimir Putin – “Donbasda insanlara yardım etmək”.
Qeyd edək ki, Rusiya hökuməti müharibəni fərqli formada izah edərək özünə haqq qazandırmağa çalışsa da, bütün dünya 55 gün ərzində Rusiyanın haqsız, “xüsusi əməliyyat” adı verilən müharibənin isə işğal məqəsədi ilə başladıldığını çox gözəl anladı.
