Bia.Az

Hacı Zeynalabdin Bələdiyyəsi ilə bağlı iddia - Belə deyirlər...

Gündəm / Bölgə
 22-12-2020, 12:41     1 047

Azərbaycanda bəzi məmurlar işlərini köməkçiləri və sürücülərinə həvalə etməsinə dair məsələlər mütəmadi olaraq gündəmdə olub. Qeyd edək ki, belə hallar təkcə, Azərbaycanda deyil, dünyanın bəzi ölkələrində də baş verir. Məsələn, elə Rusiyada da belə hallar az olmayıb. Amma Azərbaycan deyəsən, bu məsələdə də çoxlarını geridə qoymaqdadır.

DİA.AZ-a daxil olan məlumata görə, Hacı Zeylanabdin Bələdiyyəsinin hazırkı sədri Əsli Qasımova və onun atası Sumqayıt İcra Hakimiyyəti Başçısının Hacı Zeynalabdin qəsəbəsi üzrə icra nümayəndəsinin sürücüsü Nofəl də belələrindən hesab oluna bilər. Bir vaxtlar icra nümayəndəsinin katibəsi olan sözügedən Əsli və onun-bunun qapısının sürücüsü və fəhləsi olan Nofəl gözlənilmədən Hacı Zeynalabdin qəsəbəsində "yüksək" vəzifəyə gətirilib. Təbii ki, hazırkı vaxt qəsəbənin icra nümayəndəsi olan Lalə Hacıyevanın dəstəyi sayəsində. Lakin bu dəstəyin onlara hansı səbəbdən və məqsəddən dolayı verildiyi məlum deyil.

Məlumatda deyilir ki, Əsli Qasımova Hacı Zeynalabdin Bələdiyyəsinə rəhbərlik edərkən, çıxmadığı oyun qalmayıb. Onun Lalə Hacıyevanın “kassiri” və ya "kuklası" olduğunu deyənlər də az olmayıb. Çünki Hacı Zeynalabdin qəsəbəsində daş-daş üstünə qoyan şəxs mütləq Əsli Qasımovanı görməliydi, əks təqdirdə, qoyulan daş sahibinin başına partlamış olardı.

Hal- hazırda Əslinin atası Nofəl, İcra Nümayəndəsinin sürücüsündən daha çox qəsəbənin başçısına və "krışalıq"a bənzəyir. Qəsəbə sakinlərinin dediyinə görə, Nofəl Qasımov Hacı Zeynalabdin qəsəbəsində bütün tikinti işlərinə nəzarət edir və "krışalıq" edir. Hətta səlahiyyətlərinin və imkanlarının çoxluğu səbəbindən özünü qəsəbənin "kəndxuda"sı kimi təqdim etməkdən də çəkinməyib.

Maraqlıdır ki, sözügedən şəxslər ümumiyyətlə, davranmaq qaydalarını bilmilər: "Əsli ilə Nofəlin vətəndaşların canını boğaza yığıblar. Qəsəbədə hamı Nofəl Qasımovu "kəndxuda Nofəl" kimi tanıyırlar. O, Lalə Hacıyevanın qəbuluna gələn vətəndaşları otağdan belə qırağa buraxmaz. Əsli isə prezidentə şikayət edənləri isə şərləməklə şantaj edir".

P.S. Hacı Zeynalabdin Bələdiyyəsinin sədri Əsli Qasımova Sumqayıt icra başçısının ərazi idarəetmə və yerli özünüidarəetmə orqanları ilə iş şöbəsinin müdiri və qəsəbənin icra nümayəndəsinin ən yaxın adamı olduğu bildirilir. Elə bu baxımdan onların himayəsi ilə çalışdığı deyilir…

İndi isə keçək yazının əvvəlində qeyd etdiyimiz sədr məsələsinə. Ə.Qasımova əvvəllər Hacı Zeynalabdin qəsəbə İnzibati Ərazi Dairəsi üzrə Nümayəndəsinin katibə vəzifəsində işləyərkən, qısa müddətdə təcili şəxsiyyət vəsiqəsini dəyişərək Sumqayıt şəhər Hacı Zeynalabdin qəsəbə sakini Haqverdiyeva Əsbəd Mustafa qızına məxsus Azadlıq küçəsi ev 24 -də pasport qeydiyyatına düşərək, bələdiyyə seçkiləri dövründə bələdiyyə üzvlüyünə namizədliyini irəli sürüb və qəsəbədə 5 il yaşamayaraq bələdiyyə sədri seçilib.

DİA.AZ araşdıraraq məlum oldu ki, bu addımına görə Ə.Qasımova hüquqi məsuliyyət daşıyır. Azərbaycan Respublikası Seçki Məcəlləsinin 212-ci maddəsində göstərilir ki, seçkilərdə iştirak etmək hüququna malik olan (seçki keçirilməsi günü (həmin gün də daxil olmaqla) 18 yaşına çatmış) və müvafiq seçki dairəsində daimi yaşayan (qanunda "daimi" sözü götürəndə 5 il təşkil edir, 1 və ya 2 ay orda yaşamaqla daimi sayılmır) Azərbaycan Respublikasının vətəndaşları bələdiyyələrə üzv seçilə bilərlər.

Bəs bu hansı istisna tələblərinə uyuğun olmayaraq Bələdiyyələrə seçkilərin qaydaları haqqında Azərbaycan Respublikasının Qanunu fəsillərini əməl etməyərək Əsli Qasımova bələdiyyə sədri seçilib.

Sədr məsələsi sonra ki, işdir. Əsas məsələ bələdiyyəyə namizədliyini heç irəli sürə bilməzdir.

Bizə çox maraqlıdır hansı sehrli şəxs bu bələdiyyə "sədr"inin arxasında dayanır. Doğrudanmı Prezidentin ətrafında olan məmurların Hacı Zeynalabdin qəsəbə icra qurumlarının özbaşnalıqlarından xəbərləri yoxdur?


Qeyd edək ki, son vaxtlar Hacı Zeynalabdin qəsəbəsi haqqında kütləvi narazılıqlar var. Lakin hələ də heç bir tədbir görülməyib.

Bu yöndə araşdırmamız davam edəcək. Mövzu diqqətimizdədir.

Hacı Zeynalabdin Bələdiyyəsi ilə bağlı iddia - Belə deyirlər...скачать dle 12.1