Paşinyandan mühüm tarixi açıqlama
Baş nazir Nikol Paşinyan bəzi komanda yoldaşlarına bildirib ki, Ermənistan böyük ehtimalla gələn ilin fevralında Kollektiv Təhlükəsizlik Müqaviləsi Təşkilatından "KTMT) çıxacaq.
Axar.az Bakupost.az-a istinadla xəbər verir ki, bu barədə "Hraparak" nəşri məlumat yayıb.
Xatırladaq ki, ötən ilin fevralında o, Ermənistanın təşkilata üzvlüyünü dondurduğunu açıqlamışdı.
Və bundan əvvəl də aylardır hakimiyyətin müxtəlif nümayəndələri KTMT-ni öhdəliklərini yerinə yetirmədiyinə görə tənqid edir, üzvlüyün dondurulmasının səbəbinin bu olduğunu bildirirdilər.
Paşinyanın sözlərinə görə, 2023-cü ilin sentyabrından Ermənistan KTMT proseslərində iştirakını dayandırıb.
Nikol Paşinyan keçirdiyi son mətbuat konfransında KTMT ilə bağlı danışarkən bildirib ki, münasibətləri dondurmaqdansa, Ermənistanın KTMT-dən çıxması ehtimalı daha çoxdur.
