TDT-nin Azərbaycan Nümayəndəliyinin bir qrup üzvləri fəaliyyətlərinə görə mükafatlandırıldı - FOTOLAR
Arifə Hüseynova: “Türkdilli ölkələr arasında həmrəyliyin möhkəmləndirilməsi istiqamətində birgə səylər davam etdiriləcək.”
TDT-nin Azərbaycan Respublikasındakı Nümayəndəliyinin rəhbəri Arifə Hüseynova Türkiyədə keçirilən beynəlxalq tədbirlərdə iştirak edib.Turan Dövləti Təşkilatlarının (TDT) Azərbaycan Respublikasındakı Nümayəndəliyinin rəhbəri Arifə Hüseynova Türkiyədə təşkil olunan bir sıra tədbirlərdə fəal iştirak edib. O, bu barədə dünən Nümayəndəlikdə keçirilən daxili iclas zamanı ətraflı məlumat verib. Arifə Hüseynovanın sözlərinə görə, tədbirlər TDT-yə üzv olan türkdilli ölkələrlə beynəlxalq əlaqələrin daha da gücləndirilməsi, ümumi mədəni və tarixi dəyərlərin qorunub saxlanılması məqsədi daşıyıb.
Arifə Hüseynova qeyd edib ki, bu cür beynəlxalq səviyyəli görüşlər türkdilli dövlətlər arasında həmrəyliyin və inteqrasiyanın gücləndirilməsi baxımından mühüm əhəmiyyət daşıyır. O, TDT rəhbərliyinin Azərbaycan nümayəndəliyinin fəaliyyətini yüksək qiymətləndirdiyini və bunun nəticəsi olaraq nümayəndəliyin bir qrup rəhbərinin təşkilat tərəfindən müxtəlif mükafatlarla təltif olunduğunu bildirib.
Qeyd edək ki, Turan Dövləti Təşkilatlarının əsas məqsədi türkdilli dövlətlər arasında siyasi, iqtisadi, mədəni və sosial əməkdaşlığı gücləndirməkdir. Azərbaycanın bu təşkilatda fəal iştirakı - nümayəndəlik səviyyəsində apardığı işlər bu məqsədə nail olunmasında mühüm rol oynayır.
