NEVRİZNAMƏLƏR Osmanlı türk ədəbiyyatında çox yayılmış bir ədəbiyyat növü idi və uzun nevruznamələr yazılırdı. Orta Asiya Çağatay türk ədəbiyyatında da novruznamələr var. Əlişir Nəvayi və başqa şairlər qəzəl, qəsidə və məsnəvilərində Novruz mövzusundan istifadə etmişlər.

Onun mənşəyi ilə bağlı çoxlu ziddiyyətli iddialar, fərziyyələr və nəzəriyyələr var və məncə, onların heç biri doğru və sübuta yetirilməyib. Çünki ərəblərdən başqa Yaxın Şərqdə və Orta Asiyada hər bir xalq bu bayramın öz bayramı olduğunu iddia edir və bunda haqlıdır. Çünki bildiyimiz kimi, bu bayram İslamdan çox-çox əvvəllər qeyd olunur.

Novruzla bağlı ən qədim elmi mənbə məşhur Orta Asiya türk alimi Berunidir (973 -1048) XI əsrdə ərəbcə yazdığı əsərində türklərin Novruz bayramını "Yengi Kün" bayramı adlandırdığını bildirir.

Əgər bir camaat ən azı 7-8 əsrdir ki, bu bayramı qeyd edirsə, şübhəsiz ki, onu öz bayramı hesab edə bilər. O zaman unutmayaq ki, Novruz bayramının dövlət tərəfindən ilk rəsmi şəkildə qeyd olunması İranda türk dövləti olan Böyük Səlcuqlar dövründə olub.

Odur ki, Novruz ərəblərdən başqa Yaxın Şərq və Orta Asiyada türklərin və digər xalqların ortaq bayramıdır. İslamın yayılmasından sonra Novruz İslam bayramına çevrildi. Necə ki, xristianlığın "Milad" adlanan ən böyük bayramı əslində xristianlıqdan əvvəlki Şimali Avropa ölkələrində bütpərəstlik dövründən qalma bir ənənədir...

Heç kim Novruzdan siyasi və ideoloji məqsədlər üçün istifadə etməyə çalışmasın, Novruz sülh və sevgi bayramıdır!