Pelosi Bakıya qarşı hərəkətə keçdi: Baydenə məktub...
ABŞ Konqresinin 75 üzvü Azərbaycana qarşı sanksiyalar tətbiq edilməsi, ABŞ-ın Bakıya hərbi yardımının dayandırılması, Qarabağdan köçən əhaliyə humanitar yardımın göstərilməsi və Laçın yolunda beynəlxalq müşahidəçilər yerləşdirməsi məqsədilə Prezident Co Baydenə məktub göndəriblər.
Axar.az xəbər verir ki, məktubun təşəbbüskarları ABŞ Nümayəndələr Palatasının keçmiş spikeri Nensi Pelosi və konqresmen Anna Eşudur.
Məktub müəllifləri ABŞ hökumətinin Azərbaycana hərbi yardım göstərməsini qadağan edən 907 saylı düzəlişin tətbiqini təklif ediblər. Həmçinin “Maqnitski Aktı”nı tətbiq etməklə Azərbaycan məmurlarının şəxsi sanksiyalara məruz qalmasına da çağırış edilib.
