Xankəndiyə “dəstək” aksiyasında aləm qarışdı: imtina edilər
Azərbaycanın Qarabağ iqtisadi rayonunun rus sülhməramlıların müvəqqəti məsuliyyət zonasında məskunlaşan separatçıların başlatdıqları “müddətsiz” aksiyaya “dəstək” verməli olanlar arasında problem yaranıb.
Axar.az xəbər verir ki, bu barədə separatçı-terrorçu dəstənin “dövlət naziri” Qurgen Nersisyan deyib.
O bildirib ki, Ermənistanda bir qrup aksiyanın Rusiyaya, digər qrup isə Qərbə qarşı olmasına görə ondan imtina edir:
“Bəzi qruplar isə bildirir ki, aksiya səfirliklərin önündə deyil, Ermənistan hökumətinin qarşısında keçiriləcəyi halda orda iştirak edəcək. Öz hərəkətsizliyinizə haqq qazandıran səbəblərə ehtiyacınız varsa, heç olmasa, müdaxilə etməyin”.
