Bayramov Abdullahianla danışdı: İki ölkə arasında ixtilaflar...
Azərbaycan və İran XİN başçıları Ceyhun Bayramovla Hüseyn Əmir Abdullahian arasında telefon danışığı olub.
Axar.az xəbər verir ki, bu barədə Teleqram kanallarında məlumat yayılıb.
Məlumata əsasən, tərəflər telefon danışığı zamanı Bakı ilə Tehran arasında ikitərəfli münasibətlərin inkişafı və bəzi regional məsələlərlə bağlı geniş müzakirələr aparıblar.
Bu səmimi və şəffaf söhbətlərdə mövcud problem və anlaşılmazlıqlar və mövcud vəziyyətdən çıxış yolları müzakirə edilib, fikir mübadiləsi aparılıb.
Bu zaman tərəflər mehriban qonşuluq və bir-birinin suverenliyi və ərazi bütövlüyünə qarşılıqlı hörməti vurğulayıblar.
Telefon danışığı zamanı İran XİN başçısı bildirib ki, region ölkələri arasında ixtilafların mövcudluğundan ancaq düşmənlər faydalanır.
