“Traktor”dan hücuma reaksiya: Qardaş acısı...
İranın “Traktor” klubu Azərbaycanın Tehrandakı səfirliyinə hücuma münasibət bildirib.
Axar.az xəbər verir ki, klub bununla bağlı Tvitter səhifəsində paylaşım edib.
“Qardaş acısını sadəcə qardaş çəkər. Tehranda Azərbaycan səfirliyinə olan terror hücumunu şiddətlə qınayırıq.
Terrora son!”, - paylaşımda qeyd olunub.
Xatırladaq ki, yanvarın 27-də Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı səfirliyinə silahlı hücum olub. Məlumata görə, hücum edən şəxs “Kalaşnikov” markalı avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Yaralıların vəziyyəti qənaətbəxşdir.
Azərbaycan səfirliyinə hücum edən şəxs saxlanılıb.
