Bia.Az

Dayısı ilə bacanaq olan Mərdan Camalovun qohumları... - Narkotik satan Əmiş, adam güllələyən killer Azər, “Naves Vidadi”....

Fakt
 30-03-2022, 11:46     570

Mərdan Camalovun qardaşı Kamil  Şirvanda  bütün günü “çəkə-çəkə”  o yana gedir, bu yana gedir... 


2005-2019-cu illərdə Şirvan Şəhər İcra Hakimiyyətində başçı olan,  2019-cu ildən isə  Zərdab Rayon İcra Hakimiyyətinin başçısı vəzifəsində çalışan  Mərdan Camalovun əməlləri barədə  mediada kifayət qədər yazılıb. 
Mərdan Camalov  yazılan tənqiddən nəticə çıxartmaq, işində dönüş  yaratmaq əvəzinə mediaya hədə-qorxu gəlməyə, məhkəmə ilə susdurmağa üstünlük verib. 
İndi görək, özündən razı olan, müstəqil medianı susdurmaq istəyən Mərdan Camalov kimdir ?
Müdriklər deyir ki, dostunu göstər sənin kim olduğunu deyim. 
Bu ifadəni  “Yaxın ətrafını, çevrəni göstər sənin kim olduğunu deyim”  kimi də  anlamaq olar. 
Mərdan Camalovun çevrəsində olan ən yaxın və doğma adamı dayısı Balamirzə müəllimdir. 
Şirvan Dövlət İqtisadiyyat və Humanitar Kollecinin direktoru olan Balamirzə Məmmədov həm də bacısı oğlu Mərdanla bacanaqdır. Yəni Mərdan Camalov dayısının baldızı ilə ailə həyatı qurub. Hörmətli Balamirzə müəllim bizim yaxın dostumuzdur, ona böyük hörmətimiz var. Mərdan Camalov ictimai fiqur olduğu üçün onun haqqında bütün məlumatları dərc etmək olar.
İndi özünüz təsəvvür edin ki, əgər dayı ilə bacıoğlu bacanaqdırsa...arxasını özünüz düşünüb nəticə çıxardın. 
Həmin bu kollec direktoru Balamirzə müəllimin oğlu Vüsal isə Nəsimi rayonunda hərbi komissardır. 
Şirvan camaatı deyir ki, Balamirzə müəllim Humnaitar kollecin ərazisinin xeyli hissəsini müxtəlif dərman depolarına, apteklərinə satıb, özünün də xeyli sayda dərman deposu var. Oğlu Vüsal da Nəsimidə “neqodnu” məsələsi ilə məşğul olur. 
İndi Mərdan Camalovun digər yaxın çevrəsinə nəzər salaq.
Mərdan Camalovun balaca qardaşı  Kamili tanıyanlar bilir ki, günün bütün vaxtı damağında “siqara”  çəkə-çəkə o yana gedir, bu yana gedir. Bunu bir saxlayıb deyən yoxdur ki, bu nədir çəkirsən..? 
Şirvan camaatı deyir ki, Mərdan Camalovun qohumu Əmiş də Şirvanda narkotik paylamaqla məşğuldur, barondur. 
Hətta Əmişin arvadı da “mal”  satmaqla məşğuldur. 
İndi görürsünüzmü, medianı məhkəmə ilə hədələyən Mərdan Camalov hansı bataqlığın içərisindədir. 
Bu hələ harasıdır ? 
Mərdan Camalovun dayısı  Pirverdinin oğlu  Azər killerliklə məşğul olub.
Bu məsələyə qayıdacağıq. 
Bəli, Mərdan Camalovun dayısı  Pirverdi Məmmədov əvvəl rayonda  yağ  zavodunun direktoru olub, sonra qohumu mərhum nazir Yavər Camalovun sayəsində  xeyli müddət Bakı neft  şirkətlərində qaraj müdiri işləyib. 
Bəli, Mərdan Camalovun dayısı Pirverdinin oğlu  Azər Məmmədov baron Teyyub Tağıyevi güllələdiyi üçün həbs olunub və  hazırda 9 saylı həbsxanada məhbus həyatı yaşayır. 
Yeri gəlmişkən,  Azər  Məmmədov özü də vaxtilə DİN-in əməkdaşı olub. Və bu Azər Məmmədovun ilk cinayəti deyil. O, bir neçə dəfə müxtəlif  şəxsləri güllələyib. Azər Məmmədov  qohumu Mərdan Camalova  arxayın olaraq  sahibkarlardan zorla  pul tələb edirmiş, yəni reketlik məsələsinə baxırmış. 
İndi görürsünüzmü, dayısı ilə bacanaq olan  Mərdan Camalovun yaxın çevrəsi hansı durumdadır ? 
Belə birisinin icra başçısı olması fəlakətdir. 
Bəli, Mərdan Camalovun qohumları rayonda reketlik edirlər. Özü isə...
Bir neçə fakta nəzər salaq. 
Vaxtilə leytenant İbrahimov küçəsində uşaq bağçası var idi. Mərdan Camalov oranı özəlləşdirərək “bahalı xidmətlər”  obyektinə icarəyə verib. 
Təsəvvür edirsiniz, uşaq bağçası və gecə....
Yeri gəlmişkən, Mərdan Camalov Şirvandakı Makaron zavodunu da özəlləşdirərək  Şirvan Apelyasiya Məhkəməsinə icarəyə verib. 
Heydər Əliyev parkındakı Uşaq əyləncə mərkəzi, kafe və çayxanalar hamısı hər ay Mərdan Camalova icarə pulu verir. 
Sözün qısası, Şirvan camaatı deyir ki, şəhərin yarısı Mərdan Camalovun şəxsi mülküdir. 
Mərdan Camalov hətta köhnə parkın abadlaşdırılması üçün dövlətin ayırdığı vəsaiti  mənimsəyib Zərdaba getmişdir. Şirvanın yeni icra başçısı gələn kimi pulu geri tələb etdi....
Mərdan Camalovun yaxın çevrəsinə  “Naves Vidadi”  deyilən şəxs də daxildir.  
Bu adam  “Naves”  adlı kafenin sahibidir. Yuxarıda qeyd etdiyimiz güllələnmə  hadisəsi də “Naves Vidadi”nin obyektində olub. 
“Naves Vidadi”  özü də  rayonda xırda “razborka”lara baxır. Məsələn, ər-arvad davası olanda “Naves Vidadi”  araya girib barışıq əldə olunması üçün vasitəçilik edir. Kimin kiməsə borcu, alacağı varsa, “Naves” məsələni çözür. 
Onu da qeyd edək ki, Mərdan Camalovun çevrəsində olan “Naves Viadadi”nin oğlu Rəsul hazırda Şirvan Məşğulluq Xidmətində şöbə müdiridir. 
Və  “Naves Vidadi”  kimi deyirsə onu da Şirvan Məşğulluq Xidmətinə işə götürürlər. 
Ümumiyyətlə, Mərdan Camalovun Şirvanda yaratdığı şəbəkənin ucları haralara gedib çıxmır. 
Məsələn, vaxtilə “QAİ”-də ad çıxarmış Balakişi Əhmədovun bacısı oğlu, “Azəriqaz”ın baş direktoru  Ruslan Əliyevin istismar üzrə müavini Cahid Hüseynovun da Şirvan bölgəsində Mərdan Camalovla  xeyli sayda şərikli “parnikləri”  var. 
Balakişi Əhmədov da “yollar”dan yığıdığı milyonları  parnik və mal-qara biznesinə yatırıb. 
Ona görə də Şirvan bölgəsində ən böyük qaz itkisi baş verir. 
İndi görək, Mərdan Camalov yeni təyin olunduğu Zərdabda hansı əməlləri törədir ? 
Deməli, daxil olan son məlumata görə, Mərdan Camalov Zərdabda  2 min hektar ərazidə yerləşən  camışçılıq fermasını satıb. 
Hələ üstəlik  fermanın torpaq sahəsini də satıb. 
Sonra da deyirsiniz ki, niyə camış qaymağı tapılmır. 
Belə  getsə, dayısı ilə bacanaq  olan Mərdan Camalov kimilərin əməllərindən ölkədə nəinki camış qaymağı, heç şor da tapılmayacaq. 
Bir icra başçısının qohumları Əmiş ola, killer ola, narkotik sata  ondan nə gözləmək olar..?
Əgər bu yazılanlara yuxarılar inanmırlarsa növbəti yazımızda Şirvanlıların video müraciətini geniş formatda dərc edəcəyik. Bizi izləsinlər. Xatırladaq ki, yazıda müxtəlif saytların və Şirvanın canlı şahidlərinin məlumatlarından istifadə olunmuşdur.
P.S Hörmətli Mərdan Camalov, deyirmişsən ki, baldızımın oğlu Vüsal Nəsimi rayonunda işləyir və Nəsimi rayon məhkəməsinin sədri İlham Cəfərova köməklik edib. Vüsal nə desə İlham Cəfərov onu da edəcək. Bir yerdə yeyib içirlər. Biz isə öz növbəmizdə sənə deyirik ki, hörmətli Mərdan Camalov sənin pulun çox ola bilər, Ramiz Mehdiyev kimi day-dayın ola bilər, amma sənin bizi üstələməyin nə boyun, nə rəngin, nə də çəkin razmerindədir. Rəng demişkən, bir sual verərdim Mərdan Camalov niyə belə qara rəngdəsiniz? 
Qarşı tərəfin mövqeyini dərc etməyə hazırıq.


скачать dle 12.1