Lənkəran-Astara Regional Təhsil İdarəsində qanunsuzluqlar pik həddə çatır... - FOTO

"DogruXeber.az"a istinadən xəbər verir ki, etibarlı mənbədən redaksiyamıza maraqlı məlumat daxil olmuşdur.

 Məlumatda bildirilir ki, sosial mediada "Lənkəran-Astara Regional İdarəsində qanunsuzluqlar pik həddə çatır..." başlıqlı geniş şəkildə yazı dərc olunmuşdur. Lakin nə hikmətsə həmin yazılar saytlardan sürətlə silinmişdir.

Təəssüflər olsun ki, bayram günlərinə təsadüf etdiyi üçün, sözügedən yazıda qeyd olunan ciddi məlumatlarla bağlı qarşı tərəfin mövqeyini öyrənməyimiz mümkünsüz oldu.

Məlumatın operativliyini nəzərə alaraq, dərc etmək məcburiyyətində qaldıq.

Qeyd edək ki, aşağıda təqdim etdiyimiz məlumatlarla bağlı tərəflərin də mövqeyini dinləməyə hazırıq.

Lənkəran şəhər Azər Məhərrəmov adına tam orta məktəbdə Peşə təmayüllü siniflərin qrup rəhbəri maaşı alan Nuranə Əliyevadır. Məktəbin direktoru Aynur Məmmədova ona çox gözəl şərait yaradıb və arxasında durub. Belə ki, Peşə təmayüllü qrup rəhbər həftənin 5 iş günü işdə olmalıdır və qrup rəhbəri kimi peşə təmayüllü sinif müəllimlərinin dərslərinə nəzarət etməlidir. Amma Nuranə xanım istədiyi vaxt məktəbə gəlir və istədiyi vaxt gedir. Çünki başqa işlərlə də məşğuldur.

İbtidai sinif müəllimliyini oxusa da jurnalistik edir və Peşə təmayüllü qrup rəhbərliyi maaşını da alır. Axşamlar isə xınayaxdılarda aparıcılıq edir. Əvvəllər Arb kanalının Lənkəran filialında işləyirdi, sonra necəsə təhsilə gəldi. Əksərən də Lənkəran - Astara Regional Təhsil İdarəsində oturur. Çox maraqlı bir haldır.

Lənkəran Astara Regional Təhsil İdarəsi Müəllimlərin İşə qəbulu və müəllimlərin sertifikasiyasında Nuranə Əliyevanı imtahanlarda nəzarətçi kimi başda oturdur. Halbuki ibtidai sinif müəllimliyi ixtisası olanı İbtidai sinif müəllimlərin sertifikasiyasında iştirak etməsinə icazə verilməməlidir. Müəllimlərin İşə qəbulu və müəllimlərin sertifikasiyasında nəzarətçilərinin imtahan vaxtı çəkilən şəkilləri də bunu bir daha sübut edir.

Qeyd edək ki, Lənkəran Astara Regional Təhsil idarəsində imtahana nəzarətçi kimi salınanların çoxu fənn müəllimləridir