Əfqanların Avropaya köçünün qarşısının alınması ilə bağlı açıqlama
"Prioritetlərimizdən biri Əfqanıstandakı yeni təhlükəsizlik vəziyyətinin Avropaya genişmiqyaslı köçə yol açmasının qarşısını almaqdır".
Bunu Avropa İttifaqının Xarici Siyasət və Təhlükəsizlik məsələləri üzrə Ali Nümayəndəsi Cozep Borrell Aİ Xarici İşlər Nazirlərinin fövqəladə iclasında deyib.
O bildirib ki, bu məsələ ilə bağlı Aİ-yə üzv və tranzit ölkələrlə müzakirələr aparacaqlar.
"Alınacaq dərslər var və xüsusən əfqan ordusunun Taliban hücumlarına qarşı müqavimət gücü ilə bağlı yanlış proqnozların olduğunu qəbul etmək lazımdır. Gələcəkdə Türkiyə, Pakistan, İran, Çin və Rusiya ilə daha çox işləməliyik".
