Lukaşenko çaşqın vəziyyətdə: Ağ Evin siyahısından Belçika çıxdı – Diplomatik skandal
Ağ Ev ABŞ Prezidenti Donald Trampın təsis etdiyi Sülh Şurasına qoşulan ölkələrin siyahısını yayımlayıb. Lakin siyahıda Belçikanın yer alması diqqət çəkib, Belarus isə – Aleksandr Lukaşenkonun əvvəlcədən göstərdiyi bütün həvəsə baxmayaraq – ilkin siyahıya daxil edilməyib.
Globalinfo.az xəbər verir ki, Belçikanın xarici işlər naziri Maksim Prevo “X” sosial şəbəkəsində buna reaksiya verərək bildirib ki, ölkəsi Sülh Şurasının Xartiyasını imzalamayıb və Ağ Evin açıqlaması həqiqətə uyğun deyil.
Nazirin sözlərinə görə, Belçika bir çox Avropa İttifaqı ölkələri kimi vahid Avropa yanaşmasının tərəfdarıdır və bu təşəbbüsə ehtiyatla yanaşır.
Daha sonra hökumət mənbələri insidentin sadə bir texniki anlaşılmazlıqdan qaynaqlandığını təsdiqləyiblər. Məlum olub ki, ölkə adları qarışdırılıb və Belarus səhvən Belçika kimi göstərilib.
