“Avropa məhv olacaq” – Fitsodan proqnoz
Slovakiyanın Baş naziri Robert Fitso Avropa İttifaqının (Aİ) öz köklərini və ənənələrini rədd etməsi halında məhv olma ilə üz-üzə qalacağını bildirib.
Globalinfo.az xəbər verir ki, o bu barədə parlamentdə çıxışı zamanı danışıb.
Fitso ABŞ-ın yeni milli təhlükəsizlik strategiyasını şərh edərək vurğulayıb ki, bu sənəd Aİ-nin əsas dəyərlərindən imtina etməsinin mümkün nəticələrini açıq şəkildə göstərir.
Baş nazir qeyd edib ki, Aİ öz ənənələrini, tarixi və əsas prinsiplərini qorumazsa, uzunmüddətli perspektivdə mövcudluğunu itirmək riski ilə üzləşəcək.
O, həmçinin ABŞ-ın bu məsələyə münasibətini dəstəklədiyini bildirərək, Avropa İttifaqının öz siyasətini nəzərdən keçirməsinin vacibliyini vurğulayıb.
