Rusiyadan daha bir açıqlama: “Bakıya çatdırdıq ki…”
“Moskva ilə Bakı arasında münasibətləri parçalamaq üçün fəal cəhdlər var”.
Globalinfo.az xəbər verir ki, bunu Rusiya Xarici İşlər Nazirliyinin MDB ölkələri üzrə dördüncü departamentinin direktor müavini Dmitri Masyuk deyib.
“Biz görürük ki, Bakı ilə münasibətlərimizdə çat yaratmaq üçün müəyyən qüvvələr fəal səy göstərirlər. Ötən ilin dekabrında AZAL təyyarəsinin qəzaya uğramasından sonra xüsusən də Azərbaycanda “Rus Evi”nin bağlanması ilə nəticələnən eyhamlar edilir”.
Dmitri Masyuk bildirib ki, Yekaterinburq hadisələrindən sonra Moskva etnik azərbaycanlılara qarşı təzyiqlərə görə günahlandırılır:
“Biz öz növbəmizdə Bakı ilə ikitərəfli münasibətlərimizə dəyən zərəri neytrallaşdırmaq üçün ardıcıl olaraq azərbaycanlı tərəfdaşlarımıza prinsipial yanaşmamızı çatdırırıq”.
