Suriyada kritik durum: Dəməşqin bir addımlığında
Suriyada hökumət qüvvələrinə qarşı çıxan silahlı qruplar Dəməşqin ətrafına yaxınlaşıb.
Teleqraf.com xəbər verir ki, bu barədə Qətərin “Əl-Cəzirə” telekanalı yerli mənbələrə istinadən məlumat yayıb.
Onların sözlərinə görə, Suriya ordusunun bölmələri paytaxtın bir sıra ətraf rayonlarını tərk edib. Xüsusilə də Suriya Silahlı Qüvvələri 2018-ci ildə genişmiqyaslı əməliyyat zamanı hökumət qüvvələrinin nəzarətə götürdüyü Şərqi Qutadan geri çəkilib.
Noyabrın 28-də CNN telekanalı Suriyanın silahlı müxalifət qruplarının Hələb vilayətinin qərb bölgələrində hökumət qoşunlarına qarşı irimiqyaslı hücuma keçdiyini bildirib.
