Ukrayna bu kəndi vurdu: 5 ölü, 13 yaralı
Ukrayna ordusu Belqorod vilayətinin Rakitnoye kəndinə zərbələr endirib.
Axar.az xəbər verir ki, bunu Belqorod vilayətinin qubernatoru Vyaçeslav Qladkov deyib.
“Rakitnoye kəndi düşmən atəşinə məruz qalıb. Beş dinc sakin həlak olub. Yaralıların sayı 13 nəfərə çatıb. Həkimlər zərərçəkənlərə bütün lazımi yardımları göstərirlər”, - Qladkov bildirib.
Onun sözlərinə görə, zərbələr nəticəsində 12 ev, 2 kommersiya obyekti və 7 avtomobilə ziyan dəyib, qaz kəməri və elektrik xətti də zədələnib.
