Banqladeşdə etirazlar: 90 nəfər öldü
Banqladeşdə hökumət əleyhinə etirazlar növbəti dəfə toqquşmalara səbəb olub. Son saatlarda artıq 28 nəfər həlak olub, onlarla insan yaralanıb.
Axar.a xəbər verir ki, bu barədə “Deyli Star” qəzeti məlumat yayıb.
Qəzet daha əvvəl 13 nəfərin öldüyünü bildirmişdi.
Ayrı-seçkiliyə qarşı Tələbə Hərəkatının çağırdığı etiraz aksiyasının ilk günündə Dəkkə şəhərinin müxtəlif yerlərində və ölkənin digər bölgələrində şiddətli toqquşmalar baş verib. Etirazçılar Baş nazir Şeyx Hasinanın istefasını tələb edirlər.
Hakimiyyət komendant saatını sərtləşdirməyə qərar verib.
***
Banqladeşdə hökumət əleyhinə etirazlarda ölənlərin sayı artıb.
Paytaxt Dəkkədə aksiyalar hökumət tərəfdarları və əleyhdarları kütləvi toqquşmalarla müşayiət olunub. Tərəflər bir-birinə soyuq silah və küt alətlərlə hücum ediblər. Polis narazı kütləni sakitləşdirmək üçün döyüş güllələri tətbiq edib.
Son məlumata görə, toqquşmalarda 90-dan çox şəxs həyatını itirib. Onlardan 14-ü polis əməkdaşıdır.
