Kadırov rusiyalı sahibkardan bunu xahiş etdi
Çeçenistan rəhbəri Ramzan Kadırov rusiyalı sahibkar, Safmar Qrupunun təsisçisi Mixail Qutseriyevdən onun şərəfinə abidə ucalymaq əvəzinə sosial obyekt tikməyi xahiş edib.
Globalinfo.az xəbər verir ki, bu barədə “RİA Novosti” məlumat yayıb.
“Biz Mixaili yaxşı tanıyırıq. Son söhbətimiz restoranda oldu və o, mənə belə dedi: “Çox çətin postdasız, əgər üç ay davam gətirə bilsəz, sizə abidə qoymaq lazımdır”. Mən öz vəzifəmdə dayandım və sağ qaldım. Ancaq bizə abidə lazım deyil. Bizim üçün hansısa sosial obyekt tikin”, – deyə Kadırov bildirib.
Qutseriyev cavabında bildirib ki, o, Ramzan Kadırovun atası, Çeçenistanın ilk prezidenti Axmat Kadırovla birlikdə Qroznıya ilk gələnlərdən olub. Burada məktəb və xəstəxana tikib, 18 milyon dollar xərcləyib. O, Kadirova düşünməyi məsləhət görüb.
