Bia.Az

ABŞ siyasətçiləri bildiriblər ki, Vaşinqton İrana qarşı təzyiqi mümkün qədər artırmalıdır

Dünya
 9-02-2024, 14:56     203

Birləşmiş Ştatlar Yaxın Şərqdə müdafiəni bərpa etmək və regionda yerləşən Amerika qoşunlarının təhlükəsizliyini təmin etmək üçün İrana maksimum təzyiqi artırmalıdır.


Bizimyol.info xəbər verir ki, bu fikri ABŞ-ın keçmiş vitse-prezidenti Mayk Pens və keçmiş dövlət katibi Mayk Pompeo “The Wall Street Journal”da dərc olunan məqaləsində bildiriblər.
“Birləşmiş Ştatlar dərhal və birbaşa güc nümayişi ilə cavab verməlidir ki, bu, təkcə Yaxın Şərqdə deyil, bütün dünyada pozulmuş müdafiəni bərpa edəcək. Yalnız Tehrana maksimum təzyiqi artırmaqla Vaşinqton regionda sabitliyi bərpa edə və ABŞ hərbi personalını, eləcə də, müttəfiqlərinin həyatını qoruya bilər”, - deyə mətndə qeyd olunub.
Məqalə müəlliflərinin dediyinə görə, prezident Co Bayden administrasiyası üç il ərzində İrana qarşı “güzəştlərə” gedib və “sakitləşdirmə siyasəti” həyata keçirib ki, bu da Tehranın regionda mövqeyinin güclənməsinə səbəb olub. Onlar deyirlər ki, Bayden administrasiyasının yanaşması “uğursuzdur”. Pens və Pompeonun fikrincə, ABŞ-ın ilk addımı Amerika silahlı qüvvələrinin İrana qarşı “dağıdıcı zərbələr” endirməsi olmalıdır ki, bu zərbələrin hədəfi nüvə, neft və hərbi infrastruktur da daxil olmaqla müxtəlif əhəmiyyətli obyektlər olacaq. Bundan əlavə, müəlliflər İrana qarşı sanksiyaların gücləndirilməsini zəruri hesab edirlər.
İsrail dəfələrlə İranı 7 oktyabr hadisələrində əli olmaqda ittiham edib. Öz növbəsində, Ağ Ev izah edib ki, bu məsələ ilə bağlı dəlil yoxdur, lakin Tehranı “ortaq” hesab edir, çünki o, “uzun müddətdir HƏMAS və regiondakı digər terror təşkilatlarını dəstəkləyib”. İran isə öz növbəsində bütün bu ittihamları qəti şəkildə rədd edir.
Fələstin-İsrail münaqişəsinin gərginləşdiyi vaxtdan bəri ABŞ-ın İraq və Suriyadakı hərbi bazalarına raket və pilotsuz uçuş aparatlarından istifadə etməklə hücumlar daha tez-tez baş verib. Şiə milisləri ABŞ-ın İsrail ordusuna hərbi yardımını davam etdirdiyi üçün bu cür hücumların sayını artıracaqları ilə hədələyib.
"Al Mayadeen" telekanalının fevralın 1-də Amerika hərbi mənbəsinə istinadən verdiyi məlumata görə, 2023-cü il oktyabrın 17-dən bəri ABŞ Silahlı Qüvvələrinin və Vaşinqtonun rəhbərlik etdiyi İordaniya, İraq və Suriya beynəlxalq antiterror koalisiyasının hərbçilərinə ən azı 166 hücum həyata keçirilib. Belə ki, yanvarın 27-də ABŞ-ın Suriya-İordaniya sərhədindəki Əl-Tanf hərbi bazasına hücum edilib, nəticədə 3 amerikalı əsgər ölüb, 40-ı yaralanıb. Vaşinqtonun məlumatına görə, hücumun arxasında Tehranın dəstəklədiyinə inandığı silahlı şiə qruplaşmaları dayanır.скачать dle 12.1