Ruslar cəbhədə "Starlink"dən kütləvi şəkildə istifadə etməyə başlayıblar

"İşğalçı Rusiya qoşunları Ukraynanın işğal olunmuş ərazilərində "Starlink"dən kütləvi şəkildə istifadə etməyə başlayıblar".Bizimyol.info xəbər verir ki, bu barədə Ukrayna ordusu məlumat yayıb.

“Rusiya tam lisenziyalı hesablarla Dubay vasitəsilə Elon Maskın "Starlink"ini almağa başladı”, - "Network X"də (keçmiş "Twitter") @NHunter007 ləqəbli istifadəçi yazıb.

Sonradan bu məlumat Ukrayna hərbçiləri və jurnalistlər tərəfindən təsdiqlənməyə başlayıb. Bildirilir ki, əgər əvvəllər cəbhədə ruslar tərəfindən "Starlink"dən istifadə təcrid olunmuşdusa, indi bu sistemdən istifadə “kütləvi” xarakter alıb. Rusiya Dubay vasitəsilə lisenziyalı hesabları olan sistemləri alır.

“Onları uzun müddət ayrı-ayrılıqda aparıblar, sonra məlumat yayılıb ki, aktivləşdirilmişləri kütləvi şəkildə idxal etməyə başlayıblar. Onlar yalnız Ukraynada (Donbass, Krımda) işləyirlər, lakin GPS mövqelərini əvəz edirlər”, - deyə istifadəçi @NHunter007 əlavə edib.

Rusiyanın tam miqyaslı işğalının əvvəlində "SpaceX" Ukraynaya "Starlink" peyk rabitəsinə çıxış təmin etdi. Amerikanın "SpaceX" şirkətinin "StarLink" peyk internet stansiyalarının ilk partiyası fevralın 28-də Ukraynaya gəlib.

Genişmiqyaslı müharibə başlayandan bəri Rusiya Ukrayna qüvvələrinin "Starlink" kommersiya peyklərinə daxil olmasını əngəlləmək üçün tıxanma sistemlərindən istifadə edir. Ekspertlər bildirirlər ki, ruslar Ukraynanın ən qabaqcıl silahlarını məhv etməkdə getdikcə daha effektiv olmağa başlasalar da, onların Ukraynanın "Starlink" peyklərinə çıxışını kəsmək cəhdləri indiyədək uğursuz olub.скачать dle 12.1