Rusiya olmasaydı, 44 günlük müharibədə ordumuz… – Generaldan ETİRAF
“Rusiya olmasaydı, 44 günlük müharibə zamanı 10 gündən artıq mübarizə apara bilməzdik”.
Globalinfo.az xəbər verir ki, bunu Ermənistanın keçmiş müdafiə naziri general-mayor Arşak Karapetyan deyib.
Karapetyan xaricdən alınan silahların Ermənistan ordusu və hava hücumundan müdafiə sistemi üçün yararsız olduğunu bildirib:
“Rusiya əleyhinə danışmaq regionda tək qalmağımızla nəticələndi. Biz təhlükədəyik, hazırda əsas düşmənimiz isə öz rəhbərliyimizdir. Hökumət xaricdən silah-sursat alır. Ukraynalıların Fransadan almaqdan imtina etdiyi maşınları bu gün ölkəmizə gətirirlər.
Hökumətimiz Fransadan hansısa radar sistemləri alır, amma Paris bizə raket satmır. Biz alınan o sistemlərlə nə edəcəyik? Onunla sadəcə hava hücumunu müşahidə etmək mümkün olacaq. Fransız sistemləri Ermənistandakı mövcud sistemlə uyğunlaşmayacaq.
Hindistanda 5 milyon mərmi aldılar. Bəs bizim mərmi zavodumuz nə işə yarayır?!” – deyə Karapetyan fikrini ritorik sualla yekunlaşdırıb.
