Rusiyadan ABŞ-ın bombardmanına sərt reaksiya – BMT TŞ-nin təcili iclası çağırıldı
Rusiya Federasiyası ABŞ-ın İraq və Suriyaya endirdiyi zərbələrlə əlaqədar BMT Təhlükəsizlik Şurasının təcili iclasını tələb edib.
BİA.az Globalinfo.az-a istinadən xəbər verir ki, bu barədə TASS məlumat yayıb.
Bildirilib ki, BMT Təhlükəsizlik Şurasının iclası fevralın 5-nə planlaşdırılır.
Rusiya Xarici İşlər Nazirliyinin rəsmisi Mariya Zaxarova da ABŞ-ın Suriya və İraqa hücumuna reaksiya verib.
O bildirib ki, Rusiya ABŞ-ın bu ölkələrə zərbələr endirməsi pisləyir, həmçinin bu vəziyyətin BMT-də təcili nəzərdən keçirilməsini istəyir.
“Böyük Britaniya amerikalıların hərəkətlərini dəstəklədiyinə görə cavab verməlidir. Heç kim beynəlxalq koalisiya illüziyası yaratmamalıdır”, – M.Zaxarova deyib.
