Bia.Az

"PUTİN LUKAŞENKONUN QALMASI ÜÇÜN HƏR ŞEY EDƏCƏK" – “Rusiya ilə gərgin münasibətlər piar gedişi idi”

Dünya
 11-08-2020, 10:10     477

Belarusada keçirilən prezident seçkiləri və dünən axşamdan başlayaraq paytaxt Minskdə və iri şəhərlərdə nəticələrə qarşı kütləvi etirazlar Azərbaycan da maraqla izlənilir. Sosial şəbəkələrdə günün əsas müzakirə mövzusu hadisələrin gedişi, Rusiyanın mövqeyi və psotsovet məkanına mümkün təsirləri ilə bağlıdır.

Politoloq Elxan Şahinoğlu da Belarusdakı seçkiləri izləyib və ilkin qənaətini "AzPolitika.info" saytı ilə bölüşüb.

Ekspert bildirib ki, baxmayaraq, Aleksandr Lukaşenko Rusiya ilə münasibətləri bir qədər gərginləşdirmişdi, amma hiss olunurdu ki, bu bir piar gedişi idi.

"Rusiya da vəziyyətə baxdı, qərar verdi ki, ən pis iki seçim arasında Lukaşenko daha yaxşıdır. Onu əvəzləyəcək qüvvələr qərpərəstdir. Onlar hakimiyyətə gəlsələr, Rusiya iləəlaqələri daha da zəiflədəcəklər"-deyə politoloq qeyd edib.

E. Şahinoğlu hesab edir ki, gün ərzində mitinq və küçə yürüşlərinə qatılanların sayı çoxalmasa, Lukaşenko polis və ordunun hesabına vəziyyətdən çıxacaq: "Yox, əgər 2000-ci illərin əvvəllərində Ukraynada olduğu kimi etirazlar günlərlə davam etsə, güc strukturları düşünməyə, seçim etmək məcburiyyətində qalacaq. Rusiya da əlindən gələni edəcək ki, Lukaşenko hakimiyyətini itirməsin".

BİA.az
скачать dle 12.1