Borrell Ukraynada mümkün atəşkəs ideyalarını səhv adlandırıb
Avropa İttifaqının (Aİ) xarici siyasət xidmətinin rəhbəri Josep Borrel Ukraynada münaqişə tərəflərinin barışması ilə bağlı fikirləri yanlış hesab edib.
Bizimyol.info xəbər verir ki, diplomat öz fikrini Fransanın "L'Obs" jurnalına yazdığı məqalədə bildirib.“Biz yenə də eşidirik ki, Ukrayna qalib gələ bilməz və Qərbin dəstəyi davam etməyəcək. Barışıq vəsvəsələri yenidən yaranır. Bu fikirlər 2022-ci ildə səsləndirilən zaman da səhv idi və indi də yanlış olaraq qalır. Biz imkan verməməliyik ki, Ukrayna ilə bağlı siyasətimizi müəyyən etsinlər”, - deyə Borrell qeyd edib.
Onun sözlərinə görə, çətin ki, kimsə Rusiyanın hazırkı vəziyyətdə “kompromis axtarışında” olduğuna “ciddi inana bilsin”. "Barışmağa təkan vermək əvəzinə, səhvləri təkrarlamamaq və uğur qazandığımız sahələrdə səylərimizi ikiqat artırmaq üçün 2022-ci ildən bəri öyrəndiyimiz dərsləri xatırlamalıyıq", - deyə Avropa diplomatiyasının rəhbəri əlavə edib.
Diplomatın sözlərinə görə, Ukraynadakı münaqişə transatlantik birliyi gücləndirib. Borrel qeyd edib ki, ümumilikdə, Aİ Ukraynaya təxminən 30 milyard avro dəyərində dəstək verib və assosiasiya ərazisində 40 minə yaxın ukraynalı hərbçiyə təlim keçib.
Bir müddət əvvəl Rusiyanın xarici işlər naziri Sergey Lavrov Ukraynada Qərblə münaqişəyə son qoymağın şərtlərindən danışmaq lazım olduğunu, lakin bunda maraqlı olmadığını bildirmişdi. Lavrov həmçinin ABŞ dövlət katibi Antoni Blinkenin Ukraynada uzunmüddətli atəşkəslə bağlı danışıqlar üçün “yaxın perspektivlər” görmədiyini söyləyən sözlərinə də diqqət çəkib.
