Şimali Koreya Cənubi Koreyaya qarşı "öldürücü hərəkət" həyata keçirə bilər - "NYT"

"Şimali Koreya lideri Kim Çen In yaxın aylarda Cənubi Koreyaya qarşı hansısa “öldürücü hərəkət” həyata keçirə bilər".

Bizimyol.info xəbər verir ki, "New York Times" qəzetində qeyd edildiyi kimi, Amerika rəsmiləri ölkələr arasında mümkün münaqişədən narahatdırlar.

Nəşrin həmsöhbətlərinin fikrincə, Kim Çen Inın daha sərt ritorikası bir sıra təxribatların bir hissəsidir və buna ciddi yanaşmaq lazımdır.
Birləşmiş Ştatlar Koreya yarımadasında tammiqyaslı müharibə riskini dərhal görməsə də, diktator Kim Çen In 2010-cu ildə etdiyi kimi Cənubi Koreyanın mövqelərinə artilleriya zərbələri endirə bilər. O zaman bu insident hər iki tərəfdən hərbçilərin, eləcə də mülki şəxslərin həlak olması ilə nəticələnmişdi. Daha sonra hər iki tərəf tezliklə atəşi dayandırdı.

Nəşr qeyd edir ki, Kimin daha aqressiv mövqeyi bir sıra qanadlı raketlərin buraxılışından, yeni silahların sınaqdan keçirilməsindən və Cənubi Koreya ilə sülh yolu ilə birləşmə ideyasından imtina etdikdən sonra üzə çıxıb. Bundan əlavə, diktator Rusiya ilə əməkdaşlığı dərinləşdirməkdən “ilhamlanır”.

Eyni zamanda, Amerika rəsmiləri, xüsusən də Rusiya Federasiyasına artilleriya döyüş sursatı və ballistik raketlərin təhvil verilməsi qərarı ilə əlaqədar KXDR-in böyük müharibəyə hazırlaşdığına dair əlamətlər hələ görmürlər. "Böyük hərbi əməliyyat planlaşdıran bir lider, mütləq, raket və artilleriya mərmiləri ehtiyatı yığardı", - deyə yüksək səviyyəli bir ABŞ rəsmisi əlavə edib.

Müdafiə Nazirliyinin Baş Kəşfiyyat İdarəsinin nümayəndəsi Vadim Skibitski Şimali Koreyanın Rusiyaya nə qədər sursat ötürdüyünü açıqlayıb. Ən aktiv tədarüklər sentyabr, oktyabr və noyabr aylarında həyata keçirilib.

Cənubi Koreyanın BMT-dəki nümayəndəsi Hvanq Junq-kuk bildirib ki, KXDR bu silahları Moskvaya sataraq, Ukraynadan nüvə silahı daşıya bilən raketlərin sınaq poliqonu kimi istifadə edir.скачать dle 12.1