Batumidə bomba həyəcanı: İnsanlar təxliyə edildi
Gürcüstanın Batumi şəhərindəki “Batumi Mall”, “Grand Mall”, “Metro Mall” və “Batumi Plaza” kimi ticarət mərkəzinin ziyarətçiləri və işçiləri anonim bomba xəbəri ilə əlaqədar təcili təxliyə edilib.
Globalinfo.az xəbər verir ki, bu barədə “Mtavari Arxi” məlumat yayıb.
“Batumidə ticarət mərkəzləri bağlanıb, gözlənilən terror təhlükəsi ilə əlaqədar insanların sıx toplaşdığı bütün yerlərdə təcili təxliyə elan edilib”- deyə məlumatda bildirilir.
Daxili İşlər Nazirliyi vətəndaşların yayılan məlumatlara hələlik münasibət bildirməyib.
Qeyd edək ki, ötən gün Batumi Beynəlxalq Hava Limanının binasına bomba qoyulması xəbərindən sonra İstanbul reysi təxirə salınmışdı.
