Fransalı generalı: "NATO-nun Ukraynanı təchiz etmək üçün kifayət qədər ehtiyatı yoxdur"
"NATO ölkələrinin Ukraynanı təchiz etmək üçün kifayət qədər zenit-raket ehtiyatı yoxdur".
Bİzimyol.info xəbər verir ki, bu fikirləri Fransa Hərbi Hava Qüvvələrinin istefada olan generalı Patrik Dütartr deyib."Yer-hava raketləri təkcə Ukraynada deyil, bütün Avropada və bütün NATO ölkələrində kifayət deyil", - deyə o, "LCI" telekanalında bildirib. Dutartrın qeyd edib ki, zenit-raket komplekslərinin çatışmazlığı Avropa ölkələrinin Soyuq Müharibə bitdikdən sonra öz hava hücumundan müdafiə sistemlərini inkişaf etdirməmələri ilə əlaqədardır, çünki onlar nüvə silahının qarşısının alınmasına üstünlük verirdilər. Təqaüddə olan fransalı hərbçinin fikrincə, NATO ölkələri Ukraynanın lazım olan silahlarla təmin edilməsi üçün özünün istehsalını inkişaf etdirməyə kömək etməlidirlər.
Bir müddət əvvəl Ukrayna Silahlı Qüvvələrinin Hərbi Hava Qüvvələri Komandanlığının nümayəndəsi Yuri İqnat bildirmişdi ki, Ukrayna Hərbi Hava Qüvvələri idarə olunan zenit-raket komplekslərinin ciddi çatışmazlığı ilə üzləşir və hazırkı Qərb tədarüklərinin həcmi onların ehtiyaclarını ödəməyə bilər.
2023-cü ilin noyabrında Ukrayna Hərbi Hava Qüvvələrinin spikeri Vaşinqtonun Kiyevlə birlikdə Qərbin hava hücumundan müdafiə sistemlərinin çatışmazlığı fonunda Amerika raketlərindən istifadə etmək üçün Sovet istehsalı olan hava hücumundan müdafiə sistemlərini dəyişdirdiyini bildirdi. O qeyd edib ki, bu, Kiyev "NASAMS", "İRIS-T", "Patriot" və digərləri kimi daha çox Qərb hava hücumundan müdafiə sistemlərini alana qədər Ukraynanın hava hücumundan müdafiə sistemini gücləndirməyə kömək etməli olan məcburi və müvəqqəti addımdır.
Bundan əvvəl "The New York Times" yazıb ki, Ukrayna hava hücumundan müdafiə sistemlərinin kəskin çatışmazlığı şəraitində ABŞ-dan onun üçün adına “Frankenstein” və "SAM" (hava, yer-hava raketi) sözünün daxil olduğu "FrankenSAM" sistemləri yaratmağı tələb edib. Bu sistemlər Qərb texnologiyasını sovet dövründən qalma hərbi texnika elementləri ilə birləşdirir. Bildirilib ki, bu “hibrid” silah sisteminin iki versiyası artıq ABŞ-da hərbi kmplekslərdə sınaqdan keçirilib.
