DÜNYA ŞOKDA! 2 milyona yaxın insan FACİƏ İLƏ ÜZ-ÜZƏ...
Efiopiyanın Amhara bölgəsində quraqlıq təcili humanitar yardıma ehtiyacı olan 1,8 milyondan çox insana təsir edib.
Bizimyol.info xəbər verir ki, bu barədə Efiopiyanın “Addis Standard” qəzeti təbii fəlakətlərin qarşısının alınması və ərzaq təhlükəsizliyi üzrə regional komissiyaya istinadən məlumat yayıb.
Amhara regionu rəhbərinin müavini Abdu Hüseynin sözlərinə görə, hakimiyyət artıq 400 milyon birr (təxminən 9 milyon dollar) ayırıb və beynəlxalq humanitar agentliklərdən yardım gözləyir, əks halda fəlakətli nəticələrin miqyası daha böyük ola bilər.
Bundan əvvəl Tiqrey ştatının hakimiyyət orqanları quraqlıq səbəbindən humanitar böhran təhlükəsi barədə məlumat vermişdi. Onların fikrincə, qarşıdan gələn böhran Efiopiyanın 1984-1985-ci illərdə yaşadığı və çoxlu insanın ölümünə səbəb olan faciənin miqyasına çata bilər.
Son bir ayda Tiqrey əyalətinin yalnız bir bölgəsində - Abergelle Yeçilada quraqlıq 400-ə yaxın insanın ölümünə səbəb olub, 297 nəfərin vəziyyəti ağırdır. Tiqrayda 2 milyondan çox insan hazırda ciddi ərzaq çatışmazlığı ilə üzləşib.
Bununla əlaqədar olaraq, dövlət orqanları mərkəzi hökumətə və beynəlxalq ictimaiyyətə quraqlığın və son hərbi əməliyyatların nəticələrinin aradan qaldırılması üçün təcili humanitar yardım göstərməyə çağırır. Bura milyonlarla ştat sakininin evlərini tərk etməsinə səbəb olan infrastruktura və səhiyyə obyektlərinə dəyən ciddi ziyan da daxildir.
"Sakinlər artıq burada yaşamağın mümkün olmadığı qənaətinə gələrək başqa bölgələrə köçürlər. Hətta insanlar ölkəni tərk edə bilən həmyerlilərinə qibtə edirlər", - deyə yerli sakinlər bildirib.
