İranda Süleymani ilə bağlı yürüşdə partlayış: 103 nəfər ölüb
AYNA İRNA-ya istinadən xəbər verir ki, bu barədə vilayətin fövqəladə hallar idarəsinin rəisi bildirib.
Onun sözlərinə görə, yaralı sayı 141 nəfər təşkil edir.
İRNA-nın məlumatına görə, birinci partlayış Sepah-ın Qüds qolunun keçmiş komandanı general Qasim Süleymaninin məzarının 700 metrliyində, ikinci partlayış isə ziyarətgahın bir kilometrliyində, nəzarət-buraxılış məntəqəsi yaxınlığında qeydə alınıb.
Kirman qubernatorunun təhlükəsizlik üzrə müavini partlayışların terror aktı olduğunu təsdiqləyib.
Yaralananlardan bəzilərinin vəziyyəti ağır kimi qiymətləndirilir və ölü sayının artacağı ehtimalı var.
Müəllif: Ayna.az