ABŞ husilərin qayıqlarını batırdıqdan sonra İran Qırmızı dənizə hərbi gəmi göndərib
Bloomberg: ABŞ Hərbi Dəniz Qüvvələri husilərin üç qayığını məhv etdikdən sonra İran Qırmızı dənizə döyüş gəmisi göndərib. Bu addım gərginliyi gücləndirmək və Vaşinqtonun qlobal ticarət üçün həyati əhəmiyyət kəsb edən su yolunun təhlükəsizliyini təmin etmək vəzifəsini çətinləşdirmək riski daşıyır.
İran dövlət mediası gəminin missiyası haqqında əlavə məlumat vermədən bazar ertəsi günü "Əlburz" esminesi Qırmızı dəniz və Ədən körfəzi arasında dar nöqtəsi olan Bab əl-Məndəb boğazını keçib.
ABŞ-ın hərəkətindən bir gün sonra İran esminesinin Qırmızı dənizə göndərilməsi kanalda qlobal ticarətin təxminən 12%-nin keçdiyi son dərəcə qeyri-sabit vəziyyəti artırır. Bu addım, paytaxt Səna və Qırmızı dəniz sahilindəki Əl Hudeyda limanı da daxil olmaqla Yəmənin şimal-qərb hissələrinə nəzarət edən, Tehranın dəstəklədiyi husi üsyançılarının gəmilərə hücumlarını dayandırmaq üçün keçən ay yaradılmış ABŞ-ın rəhbərlik etdiyi dəniz işçi qrupuna çağırış kimi qiymətləndirilə bilər.
ABŞ-ın Danimarkaya məxsus konteyner gəmisinə hücumu zamanı yaraqlı qrupun bir neçə üzvünü öldürməsindən sonra husi nümayəndə heyəti Tehranda rəsmilərlə görüşüb. AP Moller-Maersk A/S vəziyyəti qiymətləndirmək üçün Qırmızı dənizdən keçən bütün tranzitləri 48 saat müddətinə dayandırıb.
Noyabr ayında husilər HƏMAS-ın 7 oktyabr 2023-cü ildə İsrail ərazisinə şok hücumu təşkil etməsindən sonra İsrailin Qəzza zolağına hücumunu dayandırmaq məqsədilə İsrailə gedən və ya İsraildəki təşkilatlara aid olduqlarını iddia etdikləri gəmilərə hücum etməyə başladılar.
Pentaqonun məlumatına görə, bir ay ərzində husilər bir konteyner gəmisini ələ keçirib və 35-dən çox ölkəyə məxsus 10 ticarət gəmisinə 100-dən çox pilotsuz təyyarə və ballistik raket hücumu həyata keçirib.
* A.P.Moller-Maersk - Maersk (dan. A.P. Møller-Mærsk Gruppen) dəniz yük daşımaları və liman terminalı xidmətləri üzrə ixtisaslaşmış Danimarka şirkətidir./TURAN/
