Rusiyada vəkillər ayağa qalxır
Rusiyada ölkə müxalifətinin lideri sayılan Aleksey Navalnının hüquqlarını müdafiə edən vəkillərə qarşı repressiyalar başlayıb.
Musavat.com xarici agentliklərə istinadən xəbər verir ki, hələ bu ilin oktyabrın 13-də Aleksey Navalnının 3 vəkili - İqor Serqunin, Aleksey Liptser və Vadim Kobzev iki ay müddətinə istintaq təcridxanasına göndərilib.
Hakimlər Yevgeniya Nikolaeva və Yelena Lenskaya onlar üçün qabaqlayıcı tədbirlər seçiblər. Bu gün isə Aleksey Navalnının dördüncü vəkili Aleksandr Fedulovla əlaqə itib. Fedulov məhkəmə iclasına gəlməyib, telefonu söndürülüb.
Olayla bağlı 25 vəkil bütün ölkə vəkillərini tətil etməyə çağırıb.
